Warning: include_once(): open_basedir restriction in effect. File(/home/biswasne/domains/biswasnews.com/public_html/wp-content/plugins/wp-super-cache/wp-cache-phase1.php) is not within the allowed path(s): (/home2/biswasne/:/tmp:/var/tmp:/opt/alt/php73/usr/share/pear/:/dev/urandom:/usr/local/lib/php/:/usr/local/php73/lib/php/) in /home2/biswasne/domains/biswasnews.com/public_html/wp-content/advanced-cache.php on line 22

Warning: include_once(/home/biswasne/domains/biswasnews.com/public_html/wp-content/plugins/wp-super-cache/wp-cache-phase1.php): failed to open stream: Operation not permitted in /home2/biswasne/domains/biswasnews.com/public_html/wp-content/advanced-cache.php on line 22

Warning: include_once(): Failed opening '/home/biswasne/domains/biswasnews.com/public_html/wp-content/plugins/wp-super-cache/wp-cache-phase1.php' for inclusion (include_path='.:/opt/alt/php74/usr/share/pear') in /home2/biswasne/domains/biswasnews.com/public_html/wp-content/advanced-cache.php on line 22
पर्यटकको पर्खाइमा गाजा दह | Biswas News
Tuesday, May 11, 2021

Warning: A non-numeric value encountered in /home2/biswasne/domains/biswasnews.com/public_html/wp-content/plugins/td-cloud-library/state/single/tdb_state_single.php on line 785

पर्यटकको पर्खाइमा गाजा दह

बागलुङ, २२ चैत – प्राकृतिक सुन्दरतायुक्त गाजाको दह पर्यटकको पर्खाइमा छ ।

जैमिनी नगरपालिका–३ स्थित दह जिल्लाको पर्यटकीय गन्तव्यमध्येको एक हो । सदरमुकामदेखि मोटरमा २४ किमी पार गरेपछि दह पुग्न सकिन्छ । पदयात्रामा रमाउने पर्यटक भने चार÷पाँच घण्टामा दह पुग्न सक्छन् । दुई हजार ८०० मिटरको उचाइमा अवस्थित दहलाई स्थानीयले प्रकृतिको अनुपम देन मान्छन् । सांस्कृतिक कारणले पनि दहको महत्व बढी छ ।

दहबाट देखिने हिमाली दृश्यले त झन सबैको मन लोभ्याउने गरेको छ । वसन्त याममा ढकमक्क फुल्ने गुराँसले दहको सौन्दर्य बढाउने गरेको छ । स्थानीयले दहको सौन्दर्य बिग्रन नदिन संरक्षण योजना ल्याएका छन् । दहको पुरानैस्वरुप यथावत रहेको स्थानीय रामबहादुर छन्त्यालले बताउनुभयो ।

दह क्षेत्रलाई प्राकृतिक, धार्मिक र सांस्कृतिक गन्तव्यका रुपमा विकास गर्ने लक्ष्य लिइएको छ । गाजा दह संरक्षण समितिका अध्यक्ष गोपाल छन्त्यालले सम्भावना भएर पनि दह ओझेलमा परेको बताउनुभयो ।

पर्यटकीय पूर्वाधार बनाउन सके पर्यटक आकर्षित गर्न सकिने उहाँको भनाइ छ । “दह संरक्षणको लागि केही काम भएको छ” अध्यक्ष छन्त्यालले भन्नुभयो “पर्यटक तान्न अन्य पूर्वाधार आवश्यक छ ।” दह घुम्नका लागि आन्तरिक पर्यटक गए पनि बाह्य पर्यटक पुग्न सकेका छैनन् । विद्यालय र विभिन्न संघसंस्थाले अवलोकन भ्रमण दहमा लैजाने गरेका छन् ।

घना जंगलको बाटो हिमाल हेर्दै पदयात्रा गर्नेका लागि गाजा दह महत्वपूर्ण गन्तव्य बन्ने देखिन्छ । बागलुङ बजारदेखि पर्यटकीय गाउँ भकुण्डे, सिगाना, रेशको चापाखर्क हुँदै गाजाको दह पुग्न सकिन्छ ।

गाजा दह यात्राको क्रममा धौलागिरि, अन्नुपूर्ण, माछापूछ«ेलगायतका दर्जन बढी हिमाल देख्न सकिन्छ । बीचमा खाजा खाने ठाउँदेखि र दहमै पुगेपछि रात बिताउन होटलको समेत व्यवस्था छ । खाना र आवासको लागि कुनै समस्या नरहेको स्थानीय होटल व्यवसायी बताउँछन् ।

दहको पर्यटन विकासका लागि पर्यटन कार्यालय पोखराले पनि बजेट उपलब्ध गराउँदै आएको छ । सो बजेटबाट दहको वरिपरि तारजाली र पर्खाल लगाउनेलगापयतका काम गरिएको छ ।

केही वर्षअघि दहको समग्र विकासको लागि गुरुयोजना बनाइए पनि सो अनुरुप काम हुन भने सकेको छैन । गुरुयोजनाले दह नजिकै ‘भ्यू टावर’, पदमार्ग, सामुदायिक लजजस्ता पूर्वाधार निर्माणको लक्ष्य लिएको थियो । पूर्वाधार बनाएर उचित प्रचारप्रसार गर्नसके दहमा पर्यटन विकासको प्रचुर सम्भावना देखिन्छ ।

  •  
  •  
  •  
  •  
  •  
  •  
  •  
  •  
विश्वास संवाददाताhttps://biswasnews.com/
विश्वस न्युज डट कम ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा हामि कहिल्यै कसैसँग सम्झौता गर्ने छैनाै ।

comment

विश्वस न्युज डट कम ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा हामि कहिल्यै कसैसँग सम्झौता गर्ने छैनाै ।

Must Read

सरकारले बेवास्ता गरेकाे भन्दै निजी विद्यालयले बन्द गरे अनलाइन कक्षा

काठमाडौं। निजी विद्यालयहरूले बिहीबार अर्थात साउन १ गते देखि अनलाइन, रेडियो र टेलिभिजनबाट भइरहेको पठनपाठन बन्द गर्ने निर्णय गरेका छन्। आफूहरुको माग पुरा गर्नेतर्फ...
  •  
  •  
  •  
  •  
  •  
  •  
  •  
  •