काठमाडौँ, १३ माघ
‘नवौँ सहवीर स्मृति खुला लनटेनिस प्रतियोगितामा अन्तर सरकारी सेवा समूहअन्तर्गत पुरुष एकलतर्फको खेलमा बबी चन्द विजयी भएका छन् ।
सशस्त्र प्रहरी बल केन्द्रीय खेलकुद समितिको आयोजनामा सातदोबाटोस्थित लनटेनिस कोर्टमा आजदेखि सुरु भएको खेलमा बबीले त्रिभुवन विष्टलाई ६–१ र ६–३ ले पराजित गर्दै विजयी भएका हुन् ।
त्यस्तै विकास पाण्डेले डा ईश्वर लोहोनीलाई ६–१ र ६–० ले पराजित गरेका छन् भने अमूल्य सिंह र कैलाश गुरुङले वाक ओभर पाएका छन् ।
यसैगरी पुरुष एकलतर्फको खेलमा रेञ्जन लामाले शौरवराज पाण्डेलाई ६–० र ६–० ले, सक्षम कार्कीले प्रवेश पन्तलाई ६–२, २–६ र ६–४ ले, समयकबहादुर बज्राचार्यले अभिनभ आचार्यलाई ६–० र ६–२ ले तथा कुमार अधिकारीले अमित विष्टलाई ६–० र ६–१ ले पराजित गरे ।
पंकज शर्माले निशान श्रेष्ठलाई ६–२, ४–६ र ६–३ ले, प्रदीप खड्काले हर्षवर्धव चन्दलाई ६–४ र ६–४ ले, आरभ सम्राट हाडाले सन्तोष खत्रीलाई ६–१ र ६–२ ले, जीतेन्द्र परियारले आडित सुवेदीलाई ६–० र ६–० तथा आभाष मल्लले निस्चल अधिकारीलाई ६–० र ६–० ले पराजित गरेका छन् ।
त्यसैगरी आजै भएको महिला एकलतर्फको खेलमा सर्वणी श्रेष्ठले प्रकृती श्रेष्ठलाई ६–२ र ६–२ ले, लुमु छिरिङ लामाले सुरभी कटुवालाई ६–० र ६–० ले र स्नेह यादवले सुभाङ्गी लक्ष्मी शाहलाई ६–१, ४–६ र ६–४ ले पराजित गरे ।
यसैगरी ४५ वर्षमाथि भेट्रान्स एकलतर्फको खेलमा उमेश शाहीले रामेश्वर थापालाई १–६, ७–५ र १०–९ ले पराजित गरेको छन् भने रामु ढकालले वाक ओभर पाएका छन् । त्यसैगरी ३५ वर्षमाथि भेट्रान्स एकलतर्फको खेलमा राजेन्द्र श्रेष्ठले वाक ओभर पाए ।
सशस्त्र प्रहरी अतिरिक्त महानिरीक्षक डा कृष्णकुमार तामाङले लनटेनिसका प्रमुख रेफ्री कृष्णराज घलेलाई बल हस्तान्तरण गर्दै उक्त प्रतियोगिताको उद्घाटन गर्नुभयो ।
प्रतियोगितामा पुरुष १८८ र महिला ३२ जना गरी २२० खेलाडीको सहभागिता रहेको छ । रासस