विश्वस न्युज डट कम राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा हामि कहिल्यै कसैसँग सम्झौता गर्ने छैनाै ।

सकारात्मक चिन्तनले समाजलाई सत्मार्गमा लैजानुपर्छ ः सभामुख महरा

  •  
  •  
  •  
  •  
  •  
  •  
  •  

काठमाडौं, २५ साउन । सभामुख कृष्णबहादुर महराले सकारात्मक चिन्तनमार्फत् राजनीतिज्ञले समाजलाई सत्मार्गमा लैजानुपर्ने बताउनुभएको छ ।

शुक्रबार (आज) काठमाडौंमा आयोजित ‘नेतृत्व वर्गमा राजनीतिक सद्भावका लागि सकारात्मक चिन्तन’ विषयक प्रवचन कार्यक्रमलाई सम्बोधन गर्नुहुँदै सभामुख महराले यस्तो बताउनुभएको हो ।

संघीय संसद तथा प्रदेश सभाका सांसदहरु तथा राजनीतिक दलका नेताहरु सहभागी कार्यक्रमलाई सम्बोधन गर्नुहुँदै सभामुख महराले आफूले प्राप्त गरेका सकारात्मक ज्ञानलाई जीवन व्यवहारमा लागू गर्नुपर्ने बताउनुभयो ।

‘‘राजनीतिज्ञहरु जड हुनुहुँदैन, सबैखाले विचारहरुलाई ग्रहण गर्नुपर्दछ ।’ उहाँले भन्नुभयो, ‘सकारात्मक चीजलाई ग्रहण गर्दै समाजमा स्थापित गर्ने र नकारात्मक पक्षलाई हटाउने आँट गर्नुपर्दछ ।’

आफू भौतिकवादमा विश्वास गर्ने व्यक्ति भएको बताउँदै सभामुख महराले अध्यात्मिक चेतनाले पनि सकारात्मक चिन्तनका लागि महत्वपूर्ण भूमिका निर्वाह गरिरहेको बताउनुभयो । ईश्वरीय विश्वविद्यालयमार्फत् सकारात्मक चिन्तनपद्धतिको राम्रो विकास भइरहेको चर्चा गर्नुहुँदै सभामुख महराले राजनीतिज्ञहरुले आफूले प्राप्त गरेको ज्ञान राष्ट्र सेवामा लगाउनुपर्नेमा जोड दिनुभयो ।

कार्यक्रममा राष्ट्रिय सभाका उपाध्यक्ष शशिकला दाहाल, स्वास्थ्यराज्यमन्त्री डा. सुरेन्द्र यादव, ओम शान्ति रिट्रिटका निर्देशक ब्रह्माकुमारी आशा दिदीलगायतले बोल्नुभएको थियो ।

तपाईं हामीसंग फेसबुकट्वीटरर युट्युव मार्फत् पनि जोडिन सक्नुहुन्छ ।


  •  
  •  
  •  
  •  
  •  
  •  
  •  
प्रतिक्रिया
Loading...
Subscribe to our newsletter
Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time