Thursday, October 29, 2020

मुस्ताङ, रसुवा सहित ४ जिल्ला बाहेक सबै जिल्लामा पुग्याे काेराेनाकाे संक्रमण

काठमाडाैं। ७३ वटा जिल्लामा फैलिसकेको कोरोना भाइरस संक्रमण हालसम्म चारवटा जिल्लामा भने देखिएको छैन। स्वास्थ्य मन्त्रालयको तथ्यांकअनुसार हालसम्म ओखलढुंगा, मनाङ, मुस्ताङ र रसुवा जिल्लामा कोरोना भाइरसको संक्रमण देखिएको छैन।

नेपालमा कोरोना भाइरसबाट संक्रमित प्रथम व्यक्ति भेटिएको पाँच महिना पुग्न लागेको छ। माघ पहिलो साता चीनको हुवेई प्रान्तको राजधानी उहान शहरबाट फर्किएका एक नेपाली विद्यार्थीमा पहिलो पटक कोरोना भाइरस संक्रमण पुष्टि भएको थियो।

माघमा पहिलो मामिला देखिएपनि नेपालमा दोस्रो मामिला भने झन्डै दुई महिनापछि चैतको ९ गते पुष्टि भएको थियो। नेपालमा भेटिएका दोस्रा संक्रमित फ्रान्सबाट फर्किएका नेपाली विद्यार्थी थिए। नेपालमा पहिलो संक्रमण देखिएपछि दोस्रो संक्मण देखिन धेरै समय लागेपनि त्यसपछि भने कोरोना भाइरस संक्रमितको संख्या ह्वात्तै बढेको छ।

संक्रमण देखिएका मध्ये हालसम्म १९ जनाको मृत्यु भएको छ। हालसम्म उपचारपछि ९७४ जना डिस्चार्ज भएका छन्। पछिल्लो केही दिनयता त दिनकै चार सयको संख्यामा संक्रमित देखिन थालेका छन्। आइतबार मात्र थप ४२५ जनामा कोरोना भाइरसको संक्रमण देखिएको छ।

विश्वास संवाददाताhttps://biswasnews.com/
विश्वस न्युज डट कम ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा हामि कहिल्यै कसैसँग सम्झौता गर्ने छैनाै ।
विश्वस न्युज डट कम ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा हामि कहिल्यै कसैसँग सम्झौता गर्ने छैनाै ।

Must Read

सरकारले बेवास्ता गरेकाे भन्दै निजी विद्यालयले बन्द गरे अनलाइन कक्षा

काठमाडौं। निजी विद्यालयहरूले बिहीबार अर्थात साउन १ गते देखि अनलाइन, रेडियो र टेलिभिजनबाट भइरहेको पठनपाठन बन्द गर्ने निर्णय गरेका छन्। आफूहरुको माग पुरा गर्नेतर्फ...