विश्वस न्युज डट कम राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा हामि कहिल्यै कसैसँग सम्झौता गर्ने छैनाै ।

अमेजोनका मालिक जेफ बजोस रोबोट कुकरलाई घुमाउँदै

  •  
  •  
  •  
  •  
  •  
  •  
  •  

अमेजोन कम्पनीका प्रमुख कार्यकारी अधिकृत जेफ बजोसले रोबोट कुकुरसँग घुमिरहेको तस्बिर शेयर गरेका छन् ।

हालै फोर्ब्सले सार्वजनिक गरेको विश्वका सर्वाधिक धनीको सूचीमा पहिलो स्थानमा परेका बेजोसले सोमबारको मार्स सम्मेलनका क्रममा सो तस्बिर लिएका हुन् । उनले ट्वीटरमा तस्बिर शेयर गर्दै लेखेका छन्, ‘मेरो नयाँ कुकुरलाई घुमाउन लैजाँदै ।’

प्राविधिक ज्ञान, रोबोटिक ट्रेन्ड र अन्तरिक्षलाई केन्द्रित गरिएको रोबोटिक सम्मेलन सोमबार अमेजोन कम्पनीले नै आयोजना गरेको थियो । बेजोसले तस्बिर शेयर गरेलगत्तै उनका साथमा रहेको रोबोटिक कुकुरको पनि धेरै चर्चा भइरहेको छ ।

तर ‘स्पटमिनी’ नामक सो कुकुर फेब्रुअरीमा पनि अधिक चर्चामा आएको थियो । बोस्टन डाइनामिक्स रोबोटिक फर्मले निर्माण गरेको उक्त रोबोटले यसअघि आफैँ ढोका खोलेको खबर बाहिर आएपछि त्यसबारे धेरै खोजी भएको थियो ।

बोस्टोनको वेबसाइटमा दिइएको जानकारी अनुसार त्यो रोबोटले वस्तुलाई सजिलै नियन्त्रण गर्नुका साथै सिँढी पनि चढ्न सक्छ , जसलाई अफिस, घर र बाहिर समेत प्रयोगमा ल्याउन सकिन्छ । जम्मा २४ किलो तौल भएको तीन फिट उचाइको सो रोबोटिक कुकुरको प्रदर्शन गर्दै बेजोसले मार्स सम्मेलनमा बेग्लै प्रभाव पारेका हुन् । गत वर्षको कार्यक्रममा भने उनले दक्षिण कोरियाली कम्पनी हान्कुक मिरेले डिजाइन गरेको १४ फुट लामो रोबोट सुट लगाएका थिए ।एजेन्सी

तपाईं हामीसंग फेसबुकट्वीटरर युट्युव मार्फत् पनि जोडिन सक्नुहुन्छ ।


  •  
  •  
  •  
  •  
  •  
  •  
  •  
प्रतिक्रिया
Loading...
Subscribe to our newsletter
Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time