विश्वस न्युज डट कम राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा हामि कहिल्यै कसैसँग सम्झौता गर्ने छैनाै ।

प्रेस भन्दै लागूऔषध कारोबार गर्ने व्यक्ति पक्राउ

  •  
  •  
  •  
  •  
  •  
  •  
  •  

काठमाडौं, १५ साउन -काठमाडौं महानगरपालिका-२२ पुरानो नगरपालिका नजिकबाट लागूऔषधको कारोवार गर्ने दुई जनालाई ‘प्रेस’ लेखेको ज.७ प १४०४ नम्बरको मोटरसाइकल सहित सोमबार प्रहरीले पक्राउ गरेको छ ।

पक्राउ पर्नेहरुमा धनुषा गणेशमानचारथान नगरपालिका-४ घर भई हाल सिनामंगल डेरा गरी बस्ने ३१ वर्षीय राजकुमार चौधरी र वसन्तपुर बस्ने ३२ वर्षीय मोहम्द शाहीद रहेका छन् ।

चौधरीलाई प्रहरीले लागूऔषध कोडाइन फोसफेट्सम डिप्लेक्स-डिसी ३५ बोतल, स्पासपोक्राम दुई ट्याब्लेट, इन्ट्रानेट २१ ट्याब्लेट, प्रेस लेखिएको ज.७ प.१४०७ नम्बरको मोटरसाइकल,नगद २५ हजार रुपैयाँ, ग्लोबल आईएमई बैंकमा विभिन्न मितिमा जम्मा गरेको ४ लाख १ हजार रुपैयाँका भौचरहरू र २ थान मोवाईल सहित प्रहरीले पक्राउ गरेको हो ।

चौधरीले लागूऔषध काठमाडौं ल्याउदा भारतीय सीमा क्षेत्रबाट काठमाडौं आउने सवारी साधन मार्फत ल्याउने गरेको र लागूऔषध बिक्री बितरण गर्दा कसैले शंका नगरोस भन्नका लागि ‘प्रेस’ लेखिएका मोटरसाकल प्रयोग गर्ने गरेको खुल्न आएको छ ।
यस सम्बन्धमा प्रहरीले आवश्यक अनुसन्धान गरिरहेको छ ।


  •  
  •  
  •  
  •  
  •  
  •  
  •  
प्रतिक्रिया
Loading...