विश्वस न्युज डट कम राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा हामि कहिल्यै कसैसँग सम्झौता गर्ने छैनाै ।

५७ दलित परिवारलाई जस्तापाता

  •  
  •  
  •  
  •  
  •  
  •  
  •  

डडेल्धुरा, ५ असार – डडेल्धुराका ५७ दलित परिवारलाई जस्तापाता वितरण गरिएको छ ।

डडेल्धुराको भागेश्वर गाउँपालिकाले खरले छाएका घरलाई खरमुक्त बनाउन जस्तापाता वितरण गरेको हो । भागेश्वर गाउँपालिका–४ का ५७ परिवार दलितलाई जस्तापाता वितरण गरेको गाउँपालिका अध्यक्ष कौशिलाकुमारी भट्टले बताउनुभयो ।

दलितले खरको छानो भएका घरमा बस्दा विभिन्न समस्या भोग्दै आएकाले उनीहरुलाई खरमुक्त घर निर्माणमा टेवा पु¥याउन जस्ता वितरण गरिएको जनाइएको छ । वर्षौंदेखि सञ्चालन गरेको आरन व्यवसाय पनि नियमित गराउनका लागि जस्तापाता उपलब्ध गराई सहयोग गरेको अध्यक्ष भट्टको भनाइ रहेको छ ।

भागेश्वर–४, बन्चुल, डुङ्गरीलगायत गाउँका ५७ दलित परिवारलाई जस्तापाता वितरण गरिएको हो । उनीहरुको आयआर्जनमा वृद्धि गर्नका लागि र उनीहरुले गर्दै आएको आरन व्यवसायलाई व्यवस्थितरुपमा सञ्चालन गराउन गाउँपालिकाले जस्तापाता वितरण गरेको गाउँपालिकाले जनाएको छ ।

आयस्रोत न्यून भएका र वर्षाको समयमा उनीहरुले गर्दै आएको पुख्र्यौली व्यवसायलाई नियमित सञ्चालन गराउनका लागि निःशुल्क रुपमा पाता वितरण गरिएको अध्यक्ष भट्टले जनाउनुभएको छ ।

वर्षात्को समयमा छानोबाट पानी चुहिने समस्या भोग्दै आएकाले गाउँपालिकाले आफ्नो पीडा बुझी जस्तापाता दिँदा दलित परिवार हर्षित बनेका छन् ।

गर्मी र वर्षात्को समयमा व्यवसायसमेत बन्द गर्नुपर्दा खान लाउन पनि समस्या उत्पन्न हुने वडा नं ४ का धने लुहारले बताउनुभयो । जस्ताले घर छाउदा व्यवसाय नियमित सञ्चालन गर्न सकिने लुहारको भनाइ रहेको छ । भागेश्वर गाउँपालिकाले दलित लक्षित कार्यक्रमअन्तर्गत जस्तापाता निःशुल्करुपमा वितरण गरेको हो ।

तपाईं हामीसंग फेसबुकट्वीटरर युट्युव मार्फत् पनि जोडिन सक्नुहुन्छ ।


  •  
  •  
  •  
  •  
  •  
  •  
  •  
प्रतिक्रिया
Loading...
Subscribe to our newsletter
Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time