Tuesday, August 4, 2020

स्वास्थ्य क्षेत्रका विकृति सुधार्न प्रयत्नशील छु ःराज्यमन्त्री अर्याल

वालिङ स्याङ्जा, २३ असार- स्वास्थ्य तथा जनसंख्या राज्यमन्त्री पदमाकुमारी अर्यालले स्वास्थ्य क्षेत्रमा देखिएका विकृति र विसङ्गति अन्त्य गर्न आफू प्रयत्नशील रहेको बताउनुभएको छ ।

प्रेस चौतारी नेपाल तथा प्रेस सेन्टर नेपाल स्याङ्जाले आज वालिङमा आयोजना गरेको पत्रकार सम्मेलनमा उहाँले भन्नुभयो, “स्वास्थ्य क्षेत्रका धेरै चुनौतिमध्ये कर्मचारीको दरबन्दी पनि एक हो”

राज्यमन्त्री अर्यालले आफ्नो दरबन्दी एकातिर राखेर विदेश पढ्न जाने तर उक्त ठाउँमा अर्को कर्मचारी नहुने भएकाले सर्वसाधारणलाई स्वास्थ्य सेवा लिन निक्कै कठिनाई भइरहेको उल्लेख गर्दै यस विषयमा आफू गम्भीर भएको छु भन्नुभयो ।

जहाँ दरबन्दी छ, सोही ठाउँमा कर्मचारीले अनिवार्य सेवा गर्नुपर्छ, होइन भने राजीनामा दिएर त्यो ठाउँ खाली गरिदिनुपर्छ, उहाँले भन्नुभयो, “यो नियमलाई कडाइकासाथ लागू गर्ने तयारीमा मन्त्रालय रहेको छ ।”

राज्यमन्त्री अर्यालले राज्यले दिएको छात्रवृत्तिमा अध्ययन गर्ने तर राज्यले खटाएको ठाउँमा नजाने जुन प्रवृत्ति छ, यसको अब अन्त्य हुनुपर्छ भन्दै कर्मचारीलाई पाँच वर्षभन्दा बढी उपत्यकामा बस्न नपाउने गरी नियम बनाउनका लागि छलफल भइरहेको जानकारी दिनुभयो ।

सरकार प्रत्येक पालिकामा एउटा अस्पताल र प्रत्येक वडामा एउटा स्वास्थ्यचौकी बनाउने गरी अगाडि बढेको बताउँदै उहाँले स्वास्थ्यका क्षेत्रमा सर्वसाधारणले परिवर्तनको अनुभूति पाउने गरी कार्य हुनेमा विश्वस्त हुन सबैमा आग्रह गर्नुभयो ।

राज्यमन्त्री अर्यालले डा केसीका मागप्रति सरकार केहीमा सहमत भए पनि मेडिकल कलेज खोल्न नदिनेप्रति भने सहमत हुननसक्ने उल्लेख गर्दै अनसनरत गंगामायाको विषय द्वन्द्वसित जोडिएको हुनाले जटिल र संवेदनशील रहेको बताउनुभयो ।

 

प्रकाशित मिति : २०७५ असार २३,शनिबार

  •  
  •  
  •  
  •  
  •  
  •  
  •  
  •  
विश्वास संवाददाताhttps://biswasnews.com/
विश्वस न्युज डट कम ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा हामि कहिल्यै कसैसँग सम्झौता गर्ने छैनाै ।

comment

विश्वस न्युज डट कम ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा हामि कहिल्यै कसैसँग सम्झौता गर्ने छैनाै ।

Must Read

सरकारले बेवास्ता गरेकाे भन्दै निजी विद्यालयले बन्द गरे अनलाइन कक्षा

काठमाडौं। निजी विद्यालयहरूले बिहीबार अर्थात साउन १ गते देखि अनलाइन, रेडियो र टेलिभिजनबाट भइरहेको पठनपाठन बन्द गर्ने निर्णय गरेका छन्। आफूहरुको माग पुरा गर्नेतर्फ...
  •  
  •  
  •  
  •  
  •  
  •  
  •  
  •