रुपन्देहीमा माछा उत्पादनमा वृद्धि

Title of the document

सस्ताेमा वेबसाइट बनाउनु परेमा ९८५११९४७२०

0 Shares

बुटवल, ३० जेठ ।
उन्नत जात र प्रविधिको प्रयोगले रुपन्देहीको माछा उत्पादन वृद्धि भएको छ । पछिल्लो एक वर्षको अन्तरालमै माछा उत्पादनमा ५० प्रतिशत वृद्धि भएको छ । रुपन्देहीको दयानगर छपिया व्यावसायिक माछापालन भएको क्षेत्र हो । यहाँका झन्डै सात सय घरपरिवार माछापालनमा लागेका छन् । माछापालनलाई व्यावसायिक बनाउँदै लगेका किसानले प्रविधिको प्रयोग थालेपछि उत्पादन बढेको हो।
तालिम, प्रविधि र उन्नत जातको प्रयोग हँदै गएको छ । किसानले कसरी उत्पादन बढाउने भन्दै तालिम लिने गरेकाले माछाको उत्पादन बढेको हो’, मत्स्य व्यवसायी संघ रुपन्देहीका अध्यक्ष पुण्यप्रसाद चौधरीले भन्नुभयो ।रुपन्देहीमा अहिले दैनिक १५ क्विन्टल माछा उत्पादन हुने गरेको छ । गएको वर्ष दैनिक १० क्विन्टल मात्रै उत्पादन भएको थियो । वृद्धि भएको उत्पादनमध्ये केही प्रतिशत नयाँ पोखरीको हो । पुरानो पोखरीमा सुधार गर्दा उत्पादनले छलाङ नै मारेको चौधरी बताउनुहुन्छ ।

छपियाका किसानले अहिले वर्षमा तीन पटकसम्म पनि माछा बिक्री गर्ने गरेका छन् । दुई वर्षअघिसम्म वर्षमा एकपटक मात्रै माछा बिक्री हँदै आएको थियो । बेसिजनमा पनि सिजनमा पाइने भएकाले उत्पादन वृद्धि भएको अध्यक्ष चौधरीले बताउनुभयो ।रुपन्देहीमा माछा उत्पादनलाई अझै बढाउन उन्नत जातको कमन कार्पको भुरा उत्पादन गरिएको छ । सरकारले चीनबाट ल्याएको भूरा छपियामा माछा उत्पादनका लागि दिइएको थियो । भुराको उत्पादकत्व अन्य माछाको तुलनामा ३० प्रतिशत बढी रहेको कृषि विकास कार्यालयले जनाएको छ ।

लामो र च्याप्टो आकारको यो माछा एक वर्षमा नै एक किलोको हुन्छ । यो माछाका अहिले चार लाख भुरा बिक्रीका लागि तयार अवस्थामा रहेको छ । यो भुरा अन्य माछा राखिएकै पोखरीमा १५ प्रतिशतका दरले मात्रै छाडिन्छ । अन्य माछाको उत्पादन भने दुई वर्षको हुन्छ ।रुपन्देहीका पोखरीमा प्रतिकठ्ठा जमिनमा वार्षिक साढे दुई क्विन्टल माछा उत्पादन उत्पादन हुन थालेको छ । यसलाई चार क्विन्टलमा पुर्याउने गरी योजना भइरहेको कृषि विकास कार्यालय रुपन्देहीका मत्स्य विकास अधिकृत रमेश जयसवालले बताउनुभयो ।

जिल्लामा विगत ४० वर्ष अघिदेखि माछापालन सुरु गरिएको भनिए पनि तीन दशक अघिदेखि मात्रै व्यावसायिक रुपमा उत्पादन सुरु भएको हो ।रुपन्देही पछिल्लो पाच वर्षयता माछामा आत्मनिर्भर रहेको छ । रुपन्देहीमा उत्पादन हुने जिउदो माछा पोखरा, काठमाडौंसम्म पुग्ने गरेको छ भने अन्य माछा कपिलवस्तु, नवलपरासी र भारतीय सीमा बजारमा खपत हुने गरेको छ । जिल्लाको वार्षिक माछा उत्पादन चार हजार ५ सय ८० मेट्रिकटन छ ।

कृषि कार्यालयका मत्स्य विकास अधिकृत जयसवालका अनुसार जिल्लामा अनुसार हाल एक हजार दुई हेक्टर क्षेत्रफलमा माछा उत्पादन भइरहेको छ । यसमध्ये एक सय २५ हेक्टर सार्वजनिक घोल तालको क्षेत्र हो । रुपन्देहीमा सिल्भर कार्प, विग हेड कार्प, रौं, भ्याकुर, कमनलगायत गरी सात प्रकारका माछा उत्पादन भइरहेको छ ।

रुपन्देहीमा माछापालनलाई विशेष प्रोत्साहन गर्नका लागि छपिया केन्द्रित साविकका ८ वटा गाविसलाई समेटेर सरकारले प्रधानमन्त्री कृषि आधुनिकीकरण परियोजनाअन्र्तगत जोन विकास कार्यक्रम सुरु गरेको छ । छपिया बाहेक लुम्बिनी र धकधई क्षेत्रमा माछाको व्यावसायिक खेती हुँदै आएको छ ।

तपाईं हामीसंग फेसबुकट्वीटरर युट्युव मार्फत् पनि जोडिन सक्नुहुन्छ ।

0 Shares
Title of the document

सस्ताेमा वेबसाइट बनाउनु परेमा ९८५११९४७२०

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time