योजनाबद्ध तवरले विकास गर्छु : नगर प्रमुख श्रेष्ठ

0 Shares

म्याग्दी, १२ जेठ ।

बेनी नगरपालिकाका प्रमुख हरिकुमार श्रेष्ठले बेनी नगरभित्र योजनाबद्ध तवरले विकासका कार्यक्रम अघि बढाइने बताउनुभएको छ ।
स्थानीय तहको निर्वाचनमा विजयी जनप्रतिनिधिका लागि बेनीस्थित क्याम्पसचोक टोल सुधार तथा संरक्षण समितिले आज आयोजना गरेको स्वागत तथा भेटघाट कार्यक्रममा उहाँले सो कुरा बताउनुभएको हो ।
प्रमुख श्रेष्ठले नगरपालिका क्षेत्रका हरेक बस्तीमा अनुभूति हुनेगरी योजनाबद्धरुपमा विकासका योजनामा बजेट विनियोजन गर्ने र योजना निर्माण प्रक्रियामा सबै सरोकारवालाको सहभागिता गराउने प्रतिबद्धता समेत जनाउनुभयो ।
‘‘ अहिले नै यो काम गर्छु भन्ने र बोल्ने अवस्था छैन, विकासकालागि योजना बनाउनुपर्ने आवश्यकता छ, गर्नुपर्ने काम धेरै भएकाले योजनाबद्ध तवरले अगाडि बढ्ने सोच बनाएको छु,’’–प्रमुख श्रेष्ठले भन्नुभयो ।
समितिका अध्यक्ष श्यामप्रसाद श्रेष्ठको अध्यक्षतामा भएको कार्यक्रममा नगरपालिकाका प्रमुख, उपप्रमुखसहित वडा नं– ७ र ८ बाट निर्वाचित सबै जनप्रतिनिधिलाई सम्मान गरिएको थियो । रासस

तपाईं हामीसंग फेसबुकट्वीटरर युट्युव मार्फत् पनि जोडिन सक्नुहुन्छ ।

0 Shares

प्रतिक्रिया दिनुहोस

comment