भूकम्प प्रतिरोधी घर र अपाङ्गतामैत्री शौचालय हस्तान्तरण

Title of the document

सस्ताेमा वेबसाइट बनाउनु परेमा ९८५११९४७२०

0 Shares

बेनी (म्याग्दी), ४ असार ।

म्याग्दीको बेनी नगरपालिका–३, भकिम्ली हल्लेगौँडाकी अपाङ्गता भएकी कुमारी रोका मगरलाई भूकम्प प्रतिरोधात्मक घर र अपाङ्गतामैत्री शौचालय निर्माण गरी दिइएको छ ।
शारीरिक रुपमा अपाङ्गता र आर्थिक विपन्नता भएका रोका परिवारका लागि साविकको भकिम्ली गाविस र स्थानीय बासिन्दाको पहलमा अपाङ्ग सङ्घ म्याग्दीमार्फत आइएनअफ नेपालको सहयोगमा घर र शौचालय निर्माण गरिएको हो ।
आइएनएफको रु दुई लाख ९८ हजार ६४८ आर्थिक सहयोग, वडा कार्यालय भकिम्लीबाट रु २२ हजार र स्थानीय जनश्रमदान रु ७१ हजारको लागतमा उक्त घर निर्माण गरिएको आइएनएफ, बागलुङका विमला केसीले जानकारी दिनुभयो ।
शारीरिक रुपमा अपाङ्गता भएका मानसिङ रोका, उनकी छोरी कुमारी र नातिनी कल्पना रोका यसअघि ढोका नभएको खरको गोठमा बस्दै आएका थिए । पानी पर्दा चुहिने खरको घर त्यसमा पनि अपाङ्गता र आर्थिक विपन्न हुँदा रोका परिवारलाई समस्या भएको थियो । वडा कार्यालय, आमा समूह र स्थानीयवासीले नागरिकता तथा अपाङ्गता परिचयपत्र एवम् घर निर्माणका लागि पहल गरेका थिए ।
शनिबार आयोजित कार्यक्रममा म्याग्दीका सहायक प्रमुख जिल्ला अधिकारी शोभाखर पोख्रेल र आइएनएफका कार्यकारी निर्देशक डा बुद्धिबहादुर थापाले संयुक्त रुपमा नवनिर्मित घरको मूलढोकाको ताला खोलेर कुमारी रोका र उनका पिता मानसिङ रोकालाई साँचो हस्तान्तरण गर्नुभएको थियो ।
आइएनएफ नेपालका कार्यकारी निर्देशक डा बुद्धिबहादुर थापाले आफ्नो संस्थामार्फत अपाङ्गता भएका व्यक्तिका लागि विशेष कार्यक्रम सञ्चालन गर्ने गरिएको जानकारी दिनुभयो । रासस

तपाईं हामीसंग फेसबुकट्वीटरर युट्युव मार्फत् पनि जोडिन सक्नुहुन्छ ।

0 Shares
Title of the document

सस्ताेमा वेबसाइट बनाउनु परेमा ९८५११९४७२०

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time