विश्वस न्युज डट कम राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा हामि कहिल्यै कसैसँग सम्झौता गर्ने छैनाै ।

निर्मला प्रकरण ः छानबिन समितिले काम थाल्यो

  • 6
  •  
  •  
  •  
  •  
  •  
  •  
    6
    Shares

भीमदत्तनगर, ८ भदौ – कञ्चनपुरको भीमदत्तनगरपालिका–२ खोल्टीका १३ वर्षीया बालिका निर्मला पन्तको हत्याबारे छानबिन गर्न गृहमन्त्रालयबाट बिहीबार गठन भएको उच्चस्तरीय छानबिन समितिले यहाँ आएर छानबिन थालेको छ ।

आज भीमदत्तनगर आइपुगेको गृहमन्त्रालयको टोलीले बालिका हत्या घटनाबारे प्रारम्भिक चरणको छानबिन थालेको छानबिन समितिका संयोजक एवं गृहमन्त्रालयका सहसचिव हरिप्रसाद मैनालीले जानकारी दिनुभयो ।

जिल्ला प्रशासन कार्यालयमा कञ्चनपुरका पत्रकारलाई प्रतिक्रिया दिँदै छानबिन समितिका संयोजक मैनालीले सरकारले समितिलाई घटनाबारे छानबिनका लागि काम, कर्तव्य र अधिकार दिएर पठाएको जानकारी दिँदै घटनाको यथार्थ बाहिर ल्याएरै छाड्ने बताउनुभयो ।

छानबिनसँगै सत्यतथ्य पत्ता लगाउँदाको अवधिसम्म भीमदत्तनगरमै रहेर काम गर्ने बताउँदै मैनालीले सरकारले तोकेको जिम्मेवारीअनुसार विभिन्न कोणबाट घटनाबारे छानबिन हुने बताउनुभयो ।

“यहाँका नागरिक समाज, पत्रकार तथा सुरक्षा निकायसँग घटना अनुसन्धानको कमीकमजोरी र शान्ति सुरक्षाबारे छलफल र समाधान पनि खोज्छौँ ।” उहाँले भन्नुभयो, “त्यसका लागि यहाँका स्थानीयवासीले शान्तिपूर्ण वातावरण मिलाइदिनु प¥यो ।”

त्यसैगरी कञ्चनपुरका प्रमुख जिल्ला अधिकारी तारानाथ अधिकारीले बालिका हत्याबारे विस्तृतमा अनुसन्धान एवं छानबिन हुने बताउनुभयो । उहाँले शान्ति सुरक्षाको वातावरण सहज भएपछि अनुसन्धान गर्न छानबिन समितिलाई सहज हुने बताउनुभयो ।

समितिलाई बालिका पन्त हत्यासम्बन्धी विस्तृत छानबिन गरी सत्यतथ्य विवरणसहितको प्रतिवेदन पेश गर्ने र घटनालाई लिएर भएका विरोध प्रर्दशनमा भएको क्षति तथा स्थानीय प्रशासनले निर्वाह गरेको भूमिकाको मूल्याङ्कन गरी कमीकमजोरी पहिचान गर्ने र सुधारका उपायसमेत सिफारिश गर्ने जिम्मेवारी दिइएको छ ।

मत्थर हुँदै आन्दोलन 

कञ्चनपुरमा बालिका पन्तको हत्यापछि भएको आन्दोलन आजबाट मत्थर हुँदै गएको छ । आन्दोलनरत पक्षले माग गरेअनुसार गृहमन्त्रालयले यहाँका प्रमुख जिल्ला अधिकारी र प्रहरी प्रमुखलाई सरुवा गरेपछि आन्दोलन कम भएको हो । यद्यपि बजार, यातायात तथा शैक्षिक सङ्घ÷संस्था अझै पूर्णरुपमा सञ्चालन हुन सकेका छैनन् ।

त्यसैगरी आन्दोलनरत पक्षले आज पनि केहीबेर अघिदेखि बजार र पूर्व–पश्चिम राजमार्गका केही स्थानमा प्रदर्शन थालेको छ । स्थानीय प्रशासनमा नयाँ नेतृत्व आएपछि आन्दोलनरत पक्ष र स्थानीयवासी घटनाको यथार्थ बाहिर आउनेमा आशावादी देखिएका छन् ।

छानबिन समिति र जिल्लाको नयाँ नेतृत्वलाई निष्पक्ष छानबिनका लागि शान्तिपूर्ण वातावरण मिलाउन विभिन्न निकाय र क्षेत्रबाट पहल समेत भइरहेको छ ।
त्यसैगरी बालिका हत्याबारे छानबिन गर्न गृहमन्त्रालयबाट भीमदत्तनगर आइपुगेको उच्चस्तरीय छानबिन समितिलाई कञ्चनपुरको भीमदत्त नगरपालिकाले विज्ञप्ति जारी गर्दै स्वागत गरेको छ ।

भीमदत्तनगरपालिकाका नगरप्रमुख सुरेन्द्र विष्टले आज प्रेस विज्ञप्ति जारी गरी छानबिन प्रक्रियामा सहयोग पु¥याउन नगरवासी र आन्दोलनरत पक्षसँग आग्रह गर्नु भएको छ ।

तपाईं हामीसंग फेसबुकट्वीटरर युट्युव मार्फत् पनि जोडिन सक्नुहुन्छ ।


  • 6
  •  
  •  
  •  
  •  
  •  
  •  
    6
    Shares
प्रतिक्रिया
Loading...
Subscribe to our newsletter
Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time