Saturday, September 19, 2020

नारायणगढ–मुग्लिन सडकखण्डमा पहिरो खस्यो,, दुई प्रहरीको मृत्यु , केही बेपत्ता

चितवन, ९ असार

चितवनको नारायणगढ–मुग्लिन सडकखण्डको इच्छाकामना गाउँपालिका वडा नं.६ डेढकिलोमा गएराति प्रहरीको भ्यान खोलामा खस्दा दुई प्रहरीको मृत्यु भएको छ ।
सो ठाउँमा पहिरो जादा प्रहरीको ना १ झ १३९० नम्बरको भ्यान र ना ५ ख ७८२७ नम्बरको ट्रक नदीमा खसेको थियो ।
घटनास्थलबाट इलाका प्रहरी कार्यालय मुग्लिनका प्रहरी सहायक निरीक्षक निश्चल तामाङ र प्रहरी जवान दीपककुमार मास्केको शव भेटिएको जिल्ला प्रहरी कार्यालय चितवनका प्रहरी उपरीक्षक दीपक थापाले जानकारी दिनुभयो ।
भ्यानमा सवार प्रहरी जवान सन्दीप कार्की र लीलबहादुर चेपाङ भने अझै बेपत्ता भएका छन् । पहिरोसंगै खोलामा खसेको प्रहरी भ्यान नदेखीएकाले खोजी गर्न कठिनाई भएको प्रहरीले जनाएको छ । ट्रकको भने केही भाग मात्रै देखिएको छ । ट्रकका सहयोगी चालकलाई उद्धार गरिएको छ भने चालक सकुशल रहेको प्रहरीले जनाएको छ ।
गएराति १ बजेर ५ मिनेट जाँदा पहिरोका कारण प्रहरीको भ्यान र अर्को ट्रक नदीमा खसेको प्रहरीको भनाइ छ ।
सो सडकखण्डको कालीखोलाको मुखमा राति ९ बजेर ४० मिनेट जादा पहिरो खसेपछि प्रहरी पहिरो पन्छाउन पुगेका थिए । फर्कने बेलामा सो पहिरो खसेको प्रहरीले जनाएको छ । अहिले सो सडक खण्डमा विभिन्न ठाउँहरुमा पनि पहिरो खसेकोले पहिरो पन्छ्याउन समस्या भईरहेको प्रहरीले जनाएको छ । सो सडक भएर चल्ने हजारौं गाडीहरु अहिले जाममा परेका छन् ।

  •  
  •  
  •  
  •  
  •  
  •  
  •  
  •  
विश्वास संवाददाताhttps://biswasnews.com/
विश्वस न्युज डट कम ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा हामि कहिल्यै कसैसँग सम्झौता गर्ने छैनाै ।

comment

विश्वस न्युज डट कम ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा हामि कहिल्यै कसैसँग सम्झौता गर्ने छैनाै ।

Must Read

सरकारले बेवास्ता गरेकाे भन्दै निजी विद्यालयले बन्द गरे अनलाइन कक्षा

काठमाडौं। निजी विद्यालयहरूले बिहीबार अर्थात साउन १ गते देखि अनलाइन, रेडियो र टेलिभिजनबाट भइरहेको पठनपाठन बन्द गर्ने निर्णय गरेका छन्। आफूहरुको माग पुरा गर्नेतर्फ...
  •  
  •  
  •  
  •  
  •  
  •  
  •  
  •