विश्वस न्युज डट कम राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा हामि कहिल्यै कसैसँग सम्झौता गर्ने छैनाै ।

नयाँ बन्दै गरेको ग्रहको पहिलो प्रमाणित तस्वीर सार्वजनिक

  •  
  •  
  •  
  •  
  •  
  •  
  •  

एजेन्सी । पहिले असम्भव ठानिएको ग्रहको जन्मको क्षणको तस्वीर खगोलशास्त्रीहरुले खिच्न सफल भएका छन् ।

लामो विश्लेषण पछि खगोलविद्हरुले यो तस्वीर जन्मदै गरेको ग्रहकै भएको प्रमाणित गरे पछि यो कुनै ग्रहको जन्मको पहिलो प्रमाणित तस्विर बनेको हो ।

यो अद्भुद तस्वीरमा भर्खर जन्मेको ग्रहलाई एक पानीको फोका उठ्दाको जस्तो प्रकाशको आकृतिमा देखिन्छ । धुलो र ग्यासले हुँदै यात्रारत यो ग्रह पीडीएस्७० नामक एक युवा तारा वरपर घुमिरहेको छ । यो तारा पृथ्वीबाट ३७० प्रकाश वर्ष टाढा रहेको छ ।

ग्रहको देब्रे र तस्वीरको केन्द्रमा रहेको कालो बृत्त भने ताराबाट आएको प्रकाशको फिल्टर गर्ने उपकरणको हो । यसले गर्दा प्रक्रियाको बाँकी हिस्सा देख्न सकिन्छ ।

स्फेर इन्स्ट्रुमेन्ट अफ युरोपियन साउदर्न अब्जरभेटरीको भेरी लार्ज टेलिस्कोप नामको विशाल दुरदर्शक यन्त्रबाट यस ग्रहको फोटो खिचिएको हो ।

यो ग्रह हाम्रो सौर्यमण्डलको युरेनसजस्तै ग्यासले बनेको, आफ्नो ताराबाट सूर्यबाट युरेनस रहेकै दुरीमा रहेको छ । साथै पिण्डमा भने यो ग्रह हाम्रो सौर्यमण्डलको बृहस्पतिभन्दा केही ठूलो देखिन्छ । थप अध्ययनले

यसको वातावरण बादलले ढाकिएको र सतहको तापक्रम १००० डिग्री सेल्सियस भएको देखाएको छ ।

यो ग्रहले परिक्रमा गरिरहेको तारा ६० लाख वर्ष पुरानो भएकाले ग्रह झनै नयाँ भएको अनुमान गरिएको छ ।

खगोलविदहरुले भावी दिनमा ग्रहको विकासको बारेमा जानकारी लिनु अझ महत्वपूर्ण हुने बताएका छन् ।

“खगोलविदहरुले धेरै अवसरहरुमा खगोलीय घटनाको तस्विर देखाउन सक्दैनन् । त्यस्तो अवसरमा हामीले अधिकांश समय विश्लेषणमा भर पर्नु पर्ने हुन्छ । तर यो तस्वीर अस्वीकार गर्नै नसकिने प्रमाण हो । यो निक्कै उत्साहजनक छ । यसले हालको ग्रह निर्माणबारेमा हाम्रो सिद्धान्त ठीक भएको देखाएको छ,” डा. जोई लेनहर्डले भनिन् ।

उनी युनिभर्सिटी अफ ब्रिस्टोलमा ग्रह निर्माणको विशेषज्ञ प्राप्त कम्प्युटेशनल एस्टोफिजिसिस्ट हुन् ।

तपाईं हामीसंग फेसबुकट्वीटरर युट्युव मार्फत् पनि जोडिन सक्नुहुन्छ ।


  •  
  •  
  •  
  •  
  •  
  •  
  •  
प्रतिक्रिया
Loading...
Subscribe to our newsletter
Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time