विश्वस न्युज डट कम राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा हामि कहिल्यै कसैसँग सम्झौता गर्ने छैनाै ।

खारेजीमा परेका कार्यालयले सामान बुझाएनन्

  •  
  •  
  •  
  •  
  •  
  •  
  •  

बाँके, १६ कात्तिक (रासस) ः खारेजीमा परेका जिल्लाका सरकारी कार्यालयहरुले स्थानीय तहलाई सामान बुझाइसकेका छैनन् । सरकारको निर्णयअनुसार खारेजीमा परेका बाँकेका सरकारी कार्यालयहरुले जिन्सी सामान स्थानीय निकायलाई हस्तान्तरण गरिनुपर्ने प्रावधान छ ।

कार्यालय जिल्ला समन्वय समितिलाई जिम्मा लगाइएका जिन्सी सामान स्थानीय तहलाई हस्तान्तरण गरिनुपर्ने भए पनि खारेजीमा परेका कार्यालयले बुझाएका जिन्सी सामान हस्तान्तरण गर्न कतिपय समायोजमा परेर गएका कर्मचारीको साथमा रहेका ल्यापटप, क्यामेरा, मोटरसाइकल जस्ता सामग्री तत्काल बुझाउन नसकिएको कार्यालयहरु बताउँछन् ।

तत्काल सम्पत्ति हस्तान्तरण सिफारिश समितिको बैठक बसी स्थानीय तहलाई आवश्यकताअनुसार जिन्सी सामग्री हस्तान्तरण गर्ने जिससका समन्वय अधिकारी हरि प्याकुरेलले बताउनुभयो । सरकारबाट स्वीकृत स्थानीय तहमा सेवा प्रवाहसम्बन्धी व्यवस्था २०७४ अनुसार जिल्लामा खारेजीमा परेका कार्यालयका चल÷अचल सम्पत्ति हस्तान्तरणको सिफारिश गर्न जिसस संयोजकको संयोजकत्वमा पाँच सदस्यीय समिति रहने व्यवस्था छ ।

सरकारले लाखौँ रुपैयाँ खर्चेर खरिद गरेका जिन्सी सामग्री त्यत्तिकै राख्दा नष्ट भएर जाने तथा दुरुपयोग हुन सक्ने भएकाले त्यसको सुरक्षा गर्दै शीघ्र स्थानीय तहलाई हस्तान्तरण गर्न स्थानीय नागरिक अगुवाले पनि जिसससमक्ष आग्रह गर्दै आएका थिए । खारेजीमा परेका कार्यालयबाट प्राप्त भएका हस्तान्तरण गर्नुपर्ने जिन्सी सामग्रीमा हल्का सवारी साधन, मोटरसाइकल तथा स्कुटर छन् । यसैगरी ल्यापटप, कम्प्युटर, क्यामेरा तथा फर्निचर छन् ।

तपाईं हामीसंग फेसबुकट्वीटरर युट्युव मार्फत् पनि जोडिन सक्नुहुन्छ ।


  •  
  •  
  •  
  •  
  •  
  •  
  •  
प्रतिक्रिया
Loading...
Subscribe to our newsletter
Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time