किसान महासङ्घको सहयोगमा पोखरी निर्माण

0 Shares

काठमाडौँ, ८ असार ।

नेकपा (एमाले) निकट अखिल नेपाल किसान महासङ्घको सहयोग र जनश्रमदानमा दक्षिणकाली नगरपालिकाको छैमलेमा नवनिर्मित आकाशे पानी जम्ने पोखरी बुधबार हस्तान्तरण गरिएको छ ।
सो नगरपालिका–८ का करिब ५० घरधुरीका लागि सिँचाइ र चौपायाका लागि पानी अभाव भएपछि रु दुई लाख ३८ हजारमा सो पोखरी निर्माण भएको हो । महासङ्घले त्यसका लागि रु एक लाख सहयोग गरेको थियो । महासङ्घका महासचिव बलराम बास्कोटाले बुधबार सो पोखरी सञ्चालन गराउँदै पानीको मूल सुकेका अन्य जिल्लामा पनि किसानका यस्ता आवश्यकता पूरा गर्न सहयोग गरिने बताउनुभयो ।
भूकम्पका कारण त्यहाँको मूल सुकेपछि स्थानीय बासिन्दा दुई घन्टा पैदल हिँडेर भोर्ले खोलामा पुगेर पानी ल्याउने गरेकामा अब समस्या नहुने स्थानीयवासी शङ्करप्रसाद अधिकारीले बताउनुभयो । रासस 

तपाईं हामीसंग फेसबुकट्वीटरर युट्युव मार्फत् पनि जोडिन सक्नुहुन्छ ।

0 Shares

प्रतिक्रिया दिनुहोस

comment