कपिलवस्तुमा निर्वाचनको तयारी अन्तिम चरणमा

Title of the document

सस्ताेमा वेबसाइट बनाउनु परेमा ९८५११९४७२०

0 Shares

कपिलवस्तु, ११ जेठ ।

जेठ ३१ गते हुने दोस्रो चरणको निर्वाचनका लागि कपिलवस्तु जिल्लाका १० स्थानीय तहमा आवश्यक सम्पूर्ण तयारीहरू अन्तिम चरणमा पुगेको छ।

जिल्ला निर्वाचन कार्यालयले निर्वाचनको तयारी अन्तिम अवस्थामा पुगेको र निर्वाचनमा मत बदर हुनबाट रोक्न मतदाता शिक्षालाई प्रभावकारी बनाउन विशेष जोड दिइएको जनाएको छ।  जिल्ला विकास समिति अन्तर्गतका सामाजिक परिचालकरू, बाल विकास केन्द्रका सहयोगी कार्यकर्ताहरू, महिला स्वास्थ्य स्वयंसेविकाहरु तथा शिक्षकहरू मध्येबाट प्रत्येक मतदान केन्द्रमा १ जनाका दरले ३८७ जना स्वयंसेवकलाई मतदाता शिक्षाका लागि खटाइएको छ।   उनीहरूले प्रत्येक मतदाताको घर(घरमा पुगेर मतदाताहरूलाई मतदान प्रकृयाको विषयमा प्रशिक्षित गर्नेछन्। आफ्नो क्षेत्रमा खटिएका मतदाता शिक्षा स्वयंसेवकहरूसँग सम्पर्क गरी मतदान प्रक्रियाको विषयमा जानकारी लिन निर्वाचन कार्यालयले सम्पूर्ण मतदाताहरूमा अनुरोध गरेको छ। प्रत्येक स्वयंसेवकले संवेदशील भएर काम गरेर नगरेको विषयमा कडाईका साथ सुक्ष्म अनुगमन गरिने निर्वाचन कार्यालयले जनाएको छ। जिल्लामा निर्वाचनको आन्तरिक तयारीलाई पनि तिव्रता दिईएको छ। निर्वाचनमा प्रयोग गरिने सम्पूर्ण सामग्रीहरू जिल्लामा प्राप्त भइसकेको छ। ती सबै सामग्रीहरूलाई मतदान केन्द्रगत रूपमा छुट्याउन कर्मचारीलाई भ्याई नभ्याई छ। ६४ थरीका सामग्रीहरू मतदान केन्द्रगत रूपमा प्याकिङ गर्न करिब १ हप्ता समय लाग्ने निर्वाचन अधिकारी ज्ञानहरी घिमिरेले बताए। मतदान केन्द्रमा खटिने कर्मचारीहरुको सुची तयार गर्ने, उनीहरुलाई प्रशिक्षण संचालन गर्ने पूर्व तयारी चलिरहेको छ भने जेठको १५ गतेदेखि प्रशिक्षण शुरू गर्ने योजना रहेको छ। प्रत्येक मतदान केन्द्रमा १ मतदान अधिकृत, १ सहायक मतदान अधिकृत, २ सहायक कर्मचारी, २ सहयोगी कर्मचारी र २ जना स्वयंसेवक गरी  जिल्लाभरीमा ३०९० जना कर्मचारीहरू खटिने छन्। यी कर्मचारीहरू जिल्लास्थित सरकारी कार्यालयका कर्मचारीहरू र सामुदायिक विद्यालयका शिक्षकहरूमध्येबाट खटिने गरी सुचिकृत गरिएको निर्वाचन कार्यालयले जनाएको छ। मतदान अधिकृत र सहायक मतदान अधिकृतको प्रशिक्षण जिल्ला स्तरमा संचालन हुनेछ भने अन्य कर्मचारीहरूलाई मतदान अधिकृतले मतदान केन्द्रमै प्रशिक्षण गर्नेछन्। प्रत्येक गाउँपालिका र नगरपालिकाको केन्द्रमा निर्वाचन अधिकृतको कार्यालय जेठ १५ गतेदेखि संचालन हुनेछ। त्यसका लागि निर्वाचन आयोगले निर्वाचन अधिकृतहरु तोकेर प्रशिक्षण समेत संचालन गरिसकेको छ । यसरी संचालन हुने कार्यालहरूले आफ्नो स्थानीय तहको उम्मेदवारीट दर्ता गर्ने लगायत आफ्नो मतदान केन्द्रहरू अन्तर्गत मतदान सम्पन्न गरी सो को मतगणना गराई परिणाम प्रकाशन गर्नेछन्। राजनीतिक दल र अन्य सरोकारवालाहरुले मतदाता नामावली प्राप्त गर्ने, उम्मेदवारी दर्ता गर्ने आदी कार्यहरू सोहि कार्यालमा नै गर्न सक्नेछन्। आफ्नो क्षेत्रको आचार संहिता उल्लंघनको विषयमा निर्णय लिने अधिकार समेत सोही कार्यालयलाई  रहने जिल्ला निर्वाचन कार्यालयले जनाएको छ। सबैजनालाई निर्वाचन आचारसंहिताको विषयमा संवेदनशील भै आचार संहिताको पालना गर्न निर्वाचन कार्यालयले अनुरोध गरेको छ।  त्यसैगरी सम्भावित मतगणना स्थल पहिचान गर्ने, मतदान केन्द्रहरूको वस्तुस्थिती र संवेदनशीलता समेत पहिचान गरी सोही अनुसार सुरक्षा निकायहरूले एकिकृत सुरक्षा योजना बनाएको जिल्ला निर्वाचन अधिकारी घिमिरेले बताए। जिल्लामा समग्र निर्वाचन क्रियाकलापहरू  कसरी सम्पन्न गर्ने भन्ने विषयमा जिल्ला निर्वाचन कार्यालयको समन्वयमा मुख्य निर्वाचन अधिकृत, प्रमुख जिल्ला अधिकारी, सम्पूर्ण निर्वाचन अधिकृतहरू , सम्पूर्ण सुरक्षा निकायका प्रमुखहरू तथा जिल्ला निर्वाचन अधिकारीको समन्वय बैठक बसेको छ। उक्त बैठकले निर्वाचन संचालनका सम्बन्धमा रणनितिहरू तय गरेको निर्वाचन अधिकारी घिमिरेले बताए।  कपिलवस्तु जिल्लामा १० स्थानिय तहमा २ लाख ८६ हजार ५४८ मतदाता रहेका छन्। जसमध्ये सबैभन्दा धेरै वाणगंगा नगरपालिकामा ४६ हजार ७ सय ३१ र सबै भन्दा कम विजयनगर गाउँपालिकामा १७ हजार ५७ मतदाता छन्।

तपाईं हामीसंग फेसबुकट्वीटरर युट्युव मार्फत् पनि जोडिन सक्नुहुन्छ ।

0 Shares
Title of the document

सस्ताेमा वेबसाइट बनाउनु परेमा ९८५११९४७२०

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time